नौबिसे-थानकोट सुरुङमार्ग बनाउन १७ अर्ब रुपैयाँ
radiorajmargaHighway
धादिङ । राजधानीको मुख्य प्रवेशद्वार नौबिसे नागढुङ्गामा सुरुङमार्ग बनाउन जापान सरकारले दिन लागेको १७ अर्ब रुपैयाँ ऋण सहायता स्वीकृत गर्ने निर्णय मन्त्रिपरिषद्को बैठकले गरेको छ ।
आइतबार बसेको बैठकले जापान सरकारले 0.१ ब्याजदरमा उपलब्ध गराउने प्रस्ताव गरेको सहुलीयत ऋण स्वीकृत गर्ने निर्णय गरेको हो । धादिङको सिस्नेखोलाबाट थानकोट जोड्ने २.६ किलोमिटर लामो यो सुरुङ मार्गको सम्भाव्यता अध्ययन जाप्निज सहयोग नियोग ‘जाइका’ले गरेको थियो ।
अर्थका अधिकारीका अनुसार धादिङको सिस्नेखोला सडकको ट्राफिक जाम न्यूनीकरण गर्न सरकारले पहिलेदेखि नै सुरुङमार्ग बनाउनुपर्ने आवश्यकता महसुस गरिरहेको थियो। त्यसमा जापान सरकारले इच्छा देखाइरहेको थियो।
सवारीको अध्यधिक चाप हुने यो बाटोमा उकालो, घुमाउरो, साँघुरो हुँदा जामसाथै दुर्घटनाको जोखिम बढी छ। लक्ष्य अनुसार काम भएमा २०२१ सम्ममा निर्माण भइसक्ने यो सुरुङ मार्ग बनाउन झण्डै २० अर्ब लाग्ने प्रारम्भिक अनुमान गरिएको छ ।
२०७३ मँसिर १३ गते प्रकाशित