दुर्घटनाग्रस्त इजिप्ट एयरको विमान भूमध्यसागरमा

जेठ ८ । भूमध्यसागरमा दुर्घटनाग्रस्त भएको इजिप्ट एयरको विमानको तस्बिर सार्वजनिक भएको छ । इजिप्टको सेनाले विमानको खोजीको क्रममा फेला परेका सामग्रीको तस्बिर सार्वजनिक गरेको हो । इजिप्टको सेनाले सार्वजनिक गरेको तस्बिरमा लाइफ ज्याकेट, विमानको सिटका भाग तथा विमानका अरु भाग छन् । फ्रान्सको राजधानी पेरिसबाट इजिप्टको राजधानी कायरोका लागि उडेको इजिप्ट एयरको फ्लाइट एमएस ८०४ विमान भूमध्येसागरमा दुर्घटनाग्रस्त भएको हो । विमानमा ५६ जना यात्रु र १० चालक दलका सदस्यसहित ६६ जना दिए । बेपत्ता हनु भन्दा तीन मिनेट अघि विमानका विभिन्न भागमा आगो लागेको अनुसन्धानकर्ताले बताएका छन् ।
तर आगलागी तथा दुर्घटनाको कारण भने स्पष्ट नभएको उनीहरुको भनाई छ । सबै सिद्धान्त अपनाइएको तर अहिलेसम्म दुर्घटनाको कारण भने पत्ता नलागेको फ्रान्सका विदेशमन्त्री जेन मार्क एहुले बताउनुभयो । इजिप्टको सेनाका प्रवक्ताको फेसबुक पेजमा पोस्ट गरेको तस्बिरमा लाइफ ज्याकेट र अरु सामान इजिप्ट एयरको लोगोसहित देखाइएको छ । खोजी तथा उद्धारमा जुटेकाले विमानको केही अंश र झोला पनि फेला पारेको जनाइएको छ । तर विमानको मुख्य अंश र दुई वटा ब्ल्याक बक्स भने अझै फेला पर्न सकेको छैन । राडारसँग विमानको सम्पर्क टुट्नु अघि शौचायल तथा विद्युयतीय सामग्रीमा आगोल लागेको र यसले गर्दा क्याविन धुवाँले भरिएको पुष्टि भएको छ ।
ujyaalo online
२०७३ जेठ ८ गते प्रकाशित