जेठ ८ , काठमाडौं । प्रधानमन्त्री केपी शर्मा ओलीले २५६० औँ बुद्धजयन्तीका अवसरमा सम्पूर्ण नेपाली दिदीबहिनी तथा दाजुभाइलाई शुभकामना दिँदै बौद्धदर्शनलाई स्वीकारी अगाडि बढ्न सके मात्र मानवकल्याण प्राप्त हुने बताउनुभएको छ ।
शनिबार शुभकामना सन्देश दिँदै उहाँले नेपालको भूमिमा जन्मेर मानवकल्याणका लागि ठूलो योगदान दिनु भएका गौतम बुद्धका उपदेश विश्वमै लोकप्रिय रहेको उल्लेख गर्दै बुद्ध विचारले अहिंसा, सद्भाव, मानवकल्याण र मानिसकै जीवनमा शान्तिको बाटो देखाएकाले नै उहाँका विचार विश्वभर लोकप्रिय हुन सकेको बताउनुभयो ।
सन्देशमा भनिएको छ, ‘बुद्ध धर्मको विश्व भातृत्वको भावनालाई आत्मसात् गर्दै सबैलाई मिलेर अगाडि बढ्न प्रेरणा मिलोस् र सबैको कल्याण होस् भन्ने शुभकामना व्यक्त गर्दछु ।
ujyaaloonline
२०७३ जेठ ८ गते प्रकाशित