पूर्व र पश्चिमका बिभिन्न जिल्ला बन्दले राजमार्गमा गाडीको संख्या कम
radiorajmargaHighway
साउन २९ – पूर्व र पश्चिमका विभिन्न जिल्लामा बन्द भएपछि काठमाडाैं उपत्यका भित्रिने र बाहिरिने गाडीको संख्या घटेको छ । नागढुङ्गाका ट्राफिक प्रहरी नायव निरीक्षक विकल भट्टराईका अनुसार दैनिक ९ सय भन्दा धेरै गाडी काठमाण्डू भित्रने गरेकोमा बाहिर जिल्लामा बन्द भएपछि झण्डै ८ सय गाडी भित्रिएका छन् ।
बाहिरका जिल्ला बन्द भएपछि गाडीहरु समयमा नछुट्दा काठमाण्डूमा ढिला आइपुग्ने गरेको उहाँले बताउनुभयो । उहाँँका अनुसार बिहान ६ बजे नै काठमाडाैं भित्रनुपर्ने गाडी बन्दका कारण १० बजेपछि मात्र आइपुग्न थालेका छन् ।
सुदुरपश्चिमबाट भने गाडी नआएको प्रहरी नायव निरिक्षक भट्टराइले जानकारी दिनुभयो । पूर्वबाट भने अहिले गाडी आइरहेका छन् । बितेको २४ घण्टामा काठमाडाैंमा ८ सय ५१ वटा गाडी भित्रिएका छन् भने ७ सय ५९ वटा गाडी बाहिरिएका छन् ।
एक हप्ताअघिसम्म दैनिक ९ सयभन्दा धेरै गाडी भित्रँदा ८ सय भन्दा धेरै बाहिरिने गरेका महानगरिय ट्राफिक प्रहरी महाशाखाले जनाएको छ ।