‘अमेरिकी आक्रमणले अतिवादीलाई साथ मिलिरहेको छ’

असोज १८ – सिरियाका राष्ट्रपति बशर अल असदले यदि आतंकवादको अन्त्य गर्ने हो भने सिरिया, रुस, इराक र इरानको गठबन्धन सफल हुनुपर्ने तर्क गरेका छन् ।
यदि यस्तो नहुने हो भने पूरै मध्यपूर्व क्षेत्रमा आतंकलाई कसैले छेक्न नसक्ने चेतावनी उनले दिए । असदले अमेरिकी नेतृत्वको गठबन्धन र सिरिया र इराकमा भइरहेको हवाई आक्रमणको पनि आलोचना गरे ।
एक टेलिभिजनाई दिएको अन्तर्वार्तामा उनले अमेरिकी आक्रमणले अतिवादीलाई साथ मिलिरहेको आरोप पनि लगाए ।
रुससँगको आफ्नो गठबन्धन सफल हुने दलील असदले पेश गरिरहेका बेला ब्रिटेन र टर्कीले भने रुसी हवाई आक्रमणको आलोचना गरेका छन् ।