डीएसपी ढुंगेल निलम्बित

डीएसपी ढुंगेल निलम्बित

dhungel

रौतहट । रौतहटको इलाका प्रहरी कार्यालय चन्द्रनिगाहपुरमा कार्यरत प्रहरी नायव उपरीक्षक कुमुद ढुंगेल निलम्बित भएका छन् । प्रहरी प्रधान कार्यालय काठमाडौंले अनुसन्धान गर्न भन्दै प्रहरी नायव उपरीक्षक ढुंगेललाई निलम्बन गरेको हो ।

डकैत समूहसँग साठगाँठ रहेको आशंकामा उनी निलम्बनमा परेका हुन् । सो घटना बाहिर आउनासाथ प्रहरी प्रधान कार्यालयले ढुंगेलमाथि छानबिन थालेको थियो । गृहसचिव प्रेमकुमार राईले प्रहरी महानिरीक्षक सर्वेन्द्र खनाललाई घटनाबारे विस्तृत् छानबिन गर्न निर्देशन दिएपछि उनीमाथि छानबिन सुरु भएको थियो।

काठमाडौंको रानीबारीका लालेन्द्र शेरचन्दको घरमा भएको डकैती घटना गराउने मध्येका विक्रम श्रेष्ठले डीएसपी ढुंगेलको मोबाइलमा सन्देश पठाउनुका साथै भेटघाट गरेको पाइएपछि उनीमाथि छानबिन भएको हो । यसअघि पनि ढुंगेल विभिन्न अपराधिक घटनाका अभियुक्तसँग संवादमा रहने गरेको आरोप लागेको छ ।

२०७६ बैशाख २० गते प्रकाशित

About the author

यो राजमार्ग सामुदायिक सन्चार केन्द्रद्धारा सन्चालित रेडियो राजमार्ग ९२.१ मेगाहर्जको आधिकारिक वेबसाईट हो ।

Facebook Comments